Tuipuipui HPV HPV vaccine

E fai fua tuipuipui HPV mai le 9 faasolo atu i le 26 tausaga le matutua. O le tele o aoga e fai ai le tui lea i le Tausaga 7 po o le Tausaga 8. E maua foi i le vaega faalesoifua maloloina o vaaia oe. E puipuia lau fanau i le tuipuipui HPV mai le tele o kanesa a o faasolo ina matutua.

This content is available in other languages:

On this page

O tulaga e puipuia ai oe e le tuipuipui HPV

E aogā le tuipuipui e puipuia ai mai le human papillomavirus — o se vaega o siama taatele ma e aafia ai le 4 mai le 5 tagata i le vaitaimi o lo latou soifuaga.

E pepesi le HPV pe a fepaiai tagata.

O le tele o taimi e te lē o iloa ua e maua i le HPV, ma e uma ma te'a atu lava. Ae iai tulaga e tupuola ma iu na fanau mai ai le tele o kanesa i se vaitaimi mulimuli ane o le soifuaga.

O le kanesa toalafanau le kanesa pito taatele e mafua mai le HPV. O le siama lava lea e mafua ai le kanesa o le ulu ma le ua, ma le kanesa i isi vaega o le tino. Pe ā ma le vaetolu o kanesa HPV uma e aafia ai tamaloloa. E mafai foi ona mafua mai le HPV lafitoga i itusa.

Mo nisi faamatalaga i siaki o le toalafanau, e aofia ai siaki mo le HPV, tagai i le upegatafailagi Time to Screen.

Siaki o le toalafanau — Time to Screen

E aogā tele le tuipuipui

E 9 ituaiga HPV e mafai na taofia e le tuipuipui.

Talu ai le taatele o le HPV, o le auala sili e puipuia ai lau fanau o le fai o tui e puipuia ai mai le HPV.

Vaitaimi e fai ai le tuipuipui HPV

E fai fua le tuipuipui HPV mo tagata ua atoa le 9 faasolo atu i le 26 tausaga le matutua.

E mafai na fai tuipuipui HPV mo le toatele o tamaiti i le aoga, e masani na fai i le Tausaga 7 po o le Tausaga 8. O le vaitau sili lea o le soifuaga o tupulaga e aogā tele ai tuipuipui e faatuputeleina puipuiga malosi o le tino ma e umi na puipuia ai.

  • E moomia e tamaiti mai le 9 faasolo atu i le 14 tausaga le matutua le fai o tui e 2. E fai le tui lona lua pe a tau le 6 masina talu na fai le tui muamua.
  • E 3 tui e moomia mo tupulaga mai le 15 tausaga le matutua. E 6 masina e va ai le faiga o tui.

Tuipuipui e fai i aoga

E fai asiasiga a le Public Health i aoga o fai ai tuipuipui mo tamaiti aoga o le Tausaga 7 po o le Tausaga 8. E maua atu i le aoga faamatalaga ma pepa o le maliega.

Faafesootai le aoga pe afai na misi e lou alo le aso na fai ai tuipuipui i le aoga, po o maua se isi avanoa e fai ai tuipuipui na misi.

Fai tuipuipui i se nofoaga e ese mai le aoga

A faapea e lē o faia i le aoga tuipuipui HPV, po o nisi mafuaaga na misi ai le avanoa e fai ai le tui, e mafai na fai e le fomai, tausimai, po o se vaega faalesoifua maloloina.

O se avanoa manaia e te lua ō faatasi ai ma lou alo e fai lona tuipuipui.

O le ituaiga tuipuipui e fai

E faaaoga i Aotearoa Niu Sila le tuipuipui Gardasil 9. E tui i lou ogalima.

E tāua le fai o tui uma e tatau na fai o le tuipuipui HPV e puipuia atoa ai.

E te lē pesia i le HPV pe maua ai i le kanesa mai le tuipuipui.

Tagai i tali o fesili masani e faatatau i le HPV ma le Gardasil 9.

Fesili ma tali faatatau i le Gardasil 9 — Medsafe

Aafiaga ma tulaga e ilitata ai le tino

E pei lava o le tele o isi fualaau, e iai taimi e ilitata ai le tino i tuipuipui. E feololo, ma e lē aafia ai tagata uma.

E lē o se mea ese le feololo o tulaga e maua ai ma o foliga na e iloa ai o lo o aogā le tuipuipui e faatupu ai le malosi i lona tino.

E masani na vaaia se mea ua ilitata ai le tino i uluai aso talu na fai le tuipuipui, pe afai o se tulaga lea e maua ai lou alo. E faitau itula po o aso foi e amata mou ese atu ai le tuipuipui mai lona tino.

O aafiaga sili na taatele o se tuipuipui e aofia ai:

  • feololo le fiva
  • tiga pe fula le vaega o le tino na tui.

Isi faaletonu masani

Isi faaletonu masani o le tuipuipui HPV e aofia ai:

  • tiga le ulu
  • faama'ima'ia
  • lagona le ivā
  • tau matapogia, niniva (e lelei le fai o se meaai e tau taofiofi ai)
  • tiga.

Aafiaga o mea e ilitata ai le tino

E seāseā aliae aafiaga o mea e ilitata leaga ai le tino. Na o le 1 mai le 1 miliona tagata e maua ai.

Ua aoaoina atoatoa lelei le tagata o faia lou tuipuipui ma iloa auga e vaavaai ma vave togafitia se mea ua ilitata ai le tino.

O tulaga masani le aliae o aafiaga e ilitata leaga ai le tino pe a pasia minute mai le faatoa fai ai o le tuipuipui. O le mafuaaga tonu lena e tatau ai na faatali lau fanau mo le 20 minute pe a uma na fai le tuipuipui.

Mo nisi faamatalaga

E maua nisi faamatalaga o aafiaga taatele, ma foliga e vaavaai ai ma auala e lipotia ai faaletonu.

Aafiaga o le tuipuipui, faaletonu ma le saogalemu