Tuipuipui tanesusu (varicella) Chickenpox (varicella) vaccine
E mafai na fai fua tuipuipui o le tanesusu mo tamaiti mai le atoa ai o le 15 masina. E fai fua foi mo fanau ua atoa le 11 tausaga ma e le i faia se tuipuipui po o tulaga foi e le o mautinoa ai pe na pesia muamua i le tanesusu. E tatau i fafine o fuafua e fai se pepe ona siaki le malosi o puipuiga o le tino i le tanesusu.
This content is available in other languages:
O tulaga e puipuia ai oe e le tuipuipui o le tanesusu
E taatele ma pepesi gofie le tanesusu i tamaiti. E sosolo ai faapepē e mageso. E mafai foi na faalogoina isi auga e pei o le fiva, tiga le tino, ma le lelavā.
E feololo auga, ae iai tagata e matuai tigaina tele i le tanesusu. E pito leaga faia ai tupulaga, tagata matutua ma tagata e vaivai puipuiga malosi o le tino.
Faitau isi faamatalaga i auga, mafuaaga, togafitiga ma auala e taofia ai le tanesusu.
Tanesusu (varicella) (external link)
Maitaga ma le tanesusu
E mafai na afaina pepe e le i fanau i le tanesusu ma oo ai i se tulaga e fanau oti ai.
A fuafua e fai se pepe ma e lē o mafai na maua se faamaoniga pe na e maua muamua i le tanesusu, pe na fai foi le tuipuipui, e fautuaina malosi le fai o se tuipuipui o le tanesusu a o le i faia se pepe.
Maitaga ma tui e puipuia ai (external link)
Vaitaimi e fai ai se tuipuipui tanesusu
Tau le 15 masina
E maua le avanoa e fai ai tuipuipui o le tanesusu mo tamaiti pe a atoa le 15 masina.
A misi na fai tuipuipui o le tanesusu e maua pea lava le avanoa e fai fua ai seia atoa le 12 tausaga. E lē moomia se tuipuipui pe afai ua uma na maua ai lau tamaitiiti i le tanesusu.
E puipuia le 4 mai le 5 tamaiti i le tuipuipui mai le tanesusu. E ono pesia ai lava le 1 mai le 5, ae feololo auga e masani na maua ai.
Tuipuipui faaopoopo e totogi
E mafai foi na fai se tui faaopoopo mo tamaiti, pe a tau le 3 masina a o le i aulia le 15 masina e fai ai le tuipuipui po o ona tua atu, e atili malosi ai le tuipuipui — ae totogi le tui faaopoopo.
Tagata uma mai le 12 ma ona tupu tausaga
E totogi le tuipuipui mo tagata uma e puipuia ai mai le tanesusu i Aotearoa Niu Sila. Talanoa i lau fomai, tausimai, po o le vaega faalesoifua maloloina o vaaia oe pe a e manao e fai se tuipuipui o le tanesusu mo oe lava po o lau tamaitiiti.
Faatonu se avanoa e fai ai tuipuipui (external link)
Fai tuipuipui na misi i le taimi sa tatau ona fai ai
E leai se afaina pe a misi na fai lou tuipuipui. E mafai na fai fua le tele o tuipuipui ua misi mo tamaiti, e faapena foi i tagata matutua.
Fai tuipuipui na misi le taimi sa tatau ona fai ai (external link)
E lē mafai na fai tuipuipui o le tanesusu mo fafine maitaga ma nisi e faaletonu puipuiga malosi o le tino.
O le ituaiga tuipuipui e fai
O le tuipuipui fai fua mo tamaiti i Aotearoa Niu Sila o le Varivax®.
E masani na tui i le ogalima po o le vae.
Faamatalaina o le Varivax — Medsafe (external link)
Aaafiaga ma tulaga e ilitata ai le tino
E pei lava o le tele o isi fualaau, e iai taimi e ilitata ai le tino i tuipuipui. E feololo, ma e lē aafia ai tagata uma.
E lē o se mea ese le feololo o tulaga e maua ai ma o foliga na e iloa ai o lo o aogā le tuipuipui e faatupu ai le malosi i lona tino.
E masani na e vaaia se mea ua ilitata ai le tino o lau tamaitiiti i uluai aso talu na fai le tuipuipui, pe afai o se tulaga lea e maua ai. E faitau itula po o aso foi faatoa leai ma se tuipuipui o totoe i lona tino.
O aafiaga sili na taatele o se tuipuipui e aofia ai:
- feololo le fiva
- tiga pe fula le vaega o le tino na tui.
Isi faaletonu masani
Isi faaletonu masani o le tuipuipui o le tanesusu e aofia ai:
- tiga le ulu
- faalogoina le ma‘i, lelavā po o le ivā
- pata feololo (mai le 5 i le 26 aso talu na fai le tuipuipui).
Aafiaga, faaletonu ma le saogalemu o le tuipuipui (external link)
Aafiaga o mea e ilitata ai le tino
E seāseā aliae aafiaga o mea e matuā ilitata leaga ai le tino. Na o le 1 mai le 1 miliona tagata e maua ai.
Ua aoaoina atoatoa lelei le tagata o faia lou tuipuipui ma iloa auga e vaavaai ma vave togafitia se mea ua ilitata ai le tino.
O tulaga masani le aliae o aafiaga e ilitata leaga ai le tino pe a pasia minute mai le faatoa fai ai o le tuipuipui. O le mafuaaga tonu lena e tatau ai na faatali lau fanau mo le 20 minute pe a uma na fai le tuipuipui.