This content is available in other languages:

On this page

Tā ta‘e totongi ki he Healthline: 0800 611 116

‘Okapau ‘okú ke ongo‘i faingata‘a‘ia pē ko ha taha ‘okú ke tauhi, ‘e lava ke ke fetu‘utaki ta‘etotongi kihe Healthline ‘o ma‘u tokoni mei ha neesi pē koha ‘ōfisa tokoni fakavavevave kihe mo‘uí (paramedics) kiha ngaahi fakahinohino ki he me‘a ke ke fakahokó.

‘E lava ke ke tā ta‘etotongi kihe Healthline ‘iha fa‘ahinga taimi pē.

‘Oku mateuteu ‘ae timi ngāué ke tokoni‘i koe ‘o a’u aipēe ki ho’o palopalema si’isi’i taha´, ‘oku  ‘ikai fiema’u ke ke tatali ke a’u kiha tu’unga fakatu’utamaki pea ke toki fetu’utaki  kihe Healthline. 

Tā kihe Healthline:

  • ‘okapau ‘okú ke hoha‘a pē ta’efakapapau’i ‘ae tu’unga ho’o mo‘ui´ pē koe mo‘ui lelei ‘a ha taha kehe
  • kiha fale‘i kihe tu’unga ho’o mo‘ui leleí mo ha tokoni kiha ngaahi me‘a ke ke fakahokó
  • kapau ‘oku ‘ikai ke ‘iai ha‘o Toketā Fakafāmili, pē ‘ikai lava ke ma‘u ha‘o Toketā
  • ‘okapau ‘okú ke fiema‘u fale‘i fekau‘aki mo ho‘o ngaahi fo‘i‘akaú pē faito‘ó.
Tā ki he Healthline: 0800 611 116

Fili ‘a e tokoni totonu ma’au

  • ‘Oku ‘i ai ‘a e kau Fakatonu lea kapau ‘okú ke faka‘amu ke talanoa ‘i ho‘o lea fakafonuá.
  • ‘Oku ‘ataa ‘ae tokoni meihe NZ Relay kiha fetu’utaki meia te kinautolu ‘oku Tulí, mo kinautolu ‘oku ‘ikai lelei ‘a e fanongó, fakatou Tuli mo Kuí pēe ‘ikai lelei ‘ae fetu‘utakí lea´.  

Ngaahi ngāue tokoni ‘ae pule’anga kihe fakatonulea fekau’aki moe palopalema ‘oe pu’aki lea, moe fanongo (telinga tuli)

Koe hā e me‘a ‘e hoko ‘ihe taimi ‘okú ke tā ai kihe Healthline

‘Ihe taimi ‘okú ke fetu‘utaki ai kihe healthline, tenau ‘eke atu ha ngaahi fehu‘i fekau‘aki moe tu’unga ‘okú ke ‘iaí.  ‘E lava ke ke faka‘aonga‘i ho‘o telefoni to‘oto‘ó ke vahevahe ha ngaahi ‘īmisi pe vitiō ke tokoni ki ho’o talatala ‘oku fakahoko´.

‘E lava ke nau fale‘i koe kihe ngaahi me‘a ke fakahoko fakatatau mo ho‘o ongo‘í. ‘E lava pē ke kau ai ‘ae:

  • tauhi lelei ho’o mo’ui´ pē koe mo’ui lelei ‘ae tokotaha ‘okú ke fetu’utaki mai ma’ana ka 'oku ‘i ‘apína — ‘e fale‘i koe ‘ehe Healthline ki he me‘a ke faí
  • ‘alu ‘o sio ki ho‘o Toketā Fakafāmilí 
  • tauhi lelei pea to e tā ki ha tokoni kapau ‘oku toe fakalalahi ‘a ho‘o  faingata‘a‘iá 
  • kumi kihe senitā tokoni fakavavevave ofi taha (Urgent Care Centre) ‘pē koe tafa’aki kihe tokoni ‘i ‘oe mahaki moe fakatu’utamaki fakavavevave ‘ae falemahaki.

‘E lava ke nau tokoni‘i hono kumi ha ngaahi feitu’u ngāue ki he mo‘uí ‘oku ofi kiate koe mo ho’o fiema’u´, hangē koe:

  • tokoni faka-Toketā hili ‘ae houa ngāue angamaheni
  • potungāue tokoni fakavavevave ‘i falemahaki
  • fale talavai
  • ta’aki nifo hili ‘ae houa ngāue angamaheni.

‘E lava ‘ehe Healthline ‘o fetu‘utaki hangatonu kihe Me‘alele fakahaofi mo‘uí  ‘okapau ‘e fiema‘u. ‘Oku ta‘etotongi pē ‘ae Me‘alele fakahaofi mo‘uí ‘ihe vāhenga Uelingatoní. ‘Ihe ngaahi vāhenga kehé ‘oku ‘iai ‘ae totongi ‘ae St John kihe ni‘ihi pē ‘oe ngaahi tokoni ‘oku nau ngāue kiaí.

Totongi fakakonga ki he Me‘alele Fakahaofi Mo‘uí — St Johnexternal link

Tokoni kihe fetu‘utakí

Open all

‘Oku ofi kihe ngaahi lea kehekehe ‘e 150 mo hono kau fakatonulea pea ‘e lava ke alea‘i ‘ehe Healthline ha fakatonulea ke ke faka‘aonga‘i lolotonga ‘a e talanoa telefoní.

‘Ihe taimi ‘okú ke tā ai kihe Healthline, fakahā kiate kinautolu pē ‘okú ke fiema‘u ha fakatonulea pea moe lea fakafonua ‘okú ke fie ngāue‘akí.

 

‘E lava ke ngāue fakataha ‘ae timi ngāue ‘ae Healthline pea moe NZ Relay Services ke tokoni‘i koe. ‘Oku fakangatangata pē ‘ae houa ngāue ‘ae NZ Relay Services.

Ngaahi polomalama tokoni ‘ae pule’anga´ ke malava ai ‘ae tulī moe le’ovale´ ‘o ngaue’aki ‘ae telefoni´external link

Kole ke toe tā atu ha taha

‘Okapau ‘oku ‘ikai fiema‘u ha tokoni pe fale‘i he taimi ko iá, ‘e lava pē ke ke kole ki he Healthline ke nau toki tā atu.

Ke fakahoko eni, ‘alu kihe uepisaiti ‘ae healthy.org.nz, fakakakato ‘a e ngaahi me‘a ‘oku fiema‘ú pea ‘e toki fetu‘utaki atu ‘ae neesi pe ko ha ‘ōfisa ngāue fakavavevave kihe mo‘uí (paramedic).

Kole ke toe tā atu ha taha — Healthlineexternal link

Ko ho‘o totonu fakafo‘ituituí

Open all

‘Oku fakapa‘anga ‘ae Healthline ‘ehe Health New Zealand | Te Whatu Ora.  ‘Oku fakalele ‘ae ngaahi tokoní ‘ehe  Whakarongorau Aotearoa — New Zealand Telehealth Services.

Fetu‘utaki ki he — Whakarongorau Aotearoaexternal link

‘Oku tatau pē ‘ae totonu ‘a kinautolu ‘oku fetu‘utaki telefoni kihe Healthline pea mo kinautolu ‘oku nau faka‘aonga‘i ‘ae ngaahi tokoni kehe kihe mo‘uí.

Kātaki ‘o lau ‘ae ngaahi fakahinohino fekau‘aki mo ho‘o totonu fakafo‘ituituí ‘i he uepisaiti ‘ae Whakarongorau.

Totonu Fakafo‘ituitui — Whakarongorau Aotearoaexternal link

Ngaahi tokoni kehe ‘i ho‘o fetu‘utaki telefoní

Open all

Ma‘u ha tokoni ki he huhu malu‘i ‘oe mahaki Kōviti-19, fulū, mīselé moe tale  (whooping cough).

Tā ki he: 0800 28 29 26

Koe ngaahi tokoni ma‘ae kakai faingata‘a‘ia fakasino mo faka‘atamaí ‘o kau ai ‘ae sivi Kōviti-19, fakaataa ‘ae ngāue’aki ‘oe malu’i manava´, mapule’i ‘ae mahaki Kōviti-19 ‘i ‘apí pea moha ngaahi fiema’u kihe mo’ui lelei fakalukufua.

‘E tali ho‘o fetu‘utaki telefoni ‘eha tokotaha taukei ‘ihe ngāue moe kau faingata‘a‘ia fakasino mo faka‘atamaí ‘ihe vaha‘a taimi 8 pongipongí kihe 6 efiafí, Mōnite ki he Falaite.  ‘Ihe ngaahi taimi kehe, ‘e tali ‘ae ngaahi fetu‘utaki telefoní ‘eha memipa taukei‘i ‘oe timi ngāue ‘ae Healthline.