Some health workers at Health NZ public hospitals and services are planning to strike on Thursday 23 October to 7am on Friday 24 October.
Emergency departments will be open for emergencies only. For more information:
Huhu malu‘i ki he mīselé, moó mo e rubella (MMR) Measles, mumps and rubella (MMR) vaccine
‘Oku tu‘u laveangofua ‘aupito ‘a Aotearoa Nu‘u Sila ke tō ha to‘u mahaki mīsele. ‘Oku ‘i ai ‘a e faingamālie ke ma‘u ko e ‘e he mīselé kapau kuo te‘eki ai ke ke ma‘u ha huhu malu‘i ‘e 2, pe na‘e te‘eki ai ke ma‘u koe ‘e he mīselé. ‘Oku ta‘etotongi ‘a e huhu malu‘i mīselé (MMR) ma‘á e fānau kotoa ‘oku ta‘u 18 pe si‘isi‘i hifo ai ‘i NZ, mo e kakai lalahi kotoa ‘oku lahi hake ‘i he ta‘u 18 ‘oku nau ‘atā atu ke ma‘u ta‘etotongi ha tokoni ki he mo‘ui leleí ‘i NZ.
This content is available in other languages:
Me‘a ‘oku malu‘i koe mei ai ‘e he huhu malu‘i MMR
‘Oku ‘oatu ‘e he huhu malu‘i MMR ha malu‘i ki he ngaahi mahaki pipihi ‘e 3 — mīselé, moó mo e rubella.
Mīselé
Ko e mīselé ko e taha ia ‘i he ngaahi mahaki fakatu‘utāmaki taha mo pipihí. Kapau ‘oku te‘eki ai ke ke huhu malu‘i peá ke fetaulaki mo ha tokotaha ‘okú ne ma‘u ia, ‘oku ‘i ai ‘a e faingamālie lahi te ke ma‘u ia pea paasi atu ia ki he ni‘ihi kehé.
‘E lava ke fakatupunga ‘e he mīselé ha veveli, ngaahi faka‘ilonga tatau mo e flu, pe ko ha ngaahi palopalema fakatu‘utāmaki lahi ange hangē ko e pupula ‘a e ‘utó, uesia ‘a e fatafatá, pe mate.
Kapau ‘okú ke feitama, ‘e lava ke fakatupunga ‘e he mīselé ke ke puke lahi pea lava ke uesia ai ho‘o pēpeé.
‘Ilo lahi ange fekau‘aki mo e ngaahi faka‘ilongá, mafolá mo e faito‘ó.
Moó
Ko e moó ko ha mahaki pipihi ia ‘oku fakatupunga ‘e ha vailasi. ‘Oku iku atu ia ki ha pupula ‘o e salivary glands (ngaahi ‘ōkani ‘i he ngutú) takatakai ‘i he matá.
‘I he ngaahi tu‘unga hāhāmolofia ‘e ni‘ihi, ‘e lava ke hoko ha ngaahi palopalema fakatu‘utāmaki hangē ko e tuli e telingá, ko ha mahaki ‘okú ne uesia ‘a e kili-tu‘a ‘okú ne kofukofu ‘a e fo‘i ‘utó mo e filo silivá (meningitis, pe pupula ‘o e fo‘i ‘utó - encephalitis).
Na‘e tō ha to‘u mahaki mō ‘i Aotearoa Nu‘u Sila ‘i he 2017. Na‘e toki ‘osi pē ia pea puli atu ‘i he fuofua loka fakafonua ki he COVID-19 koe‘uhí na‘e ‘ikai malava ke toe mafola ai ‘a e mahakí.
‘Ilo lahi ange fekau‘aki mo e ngaahi faka‘ilongá, mafolá mo e faito‘ó.
Rubella
Ki he fānaú, ko e rubella ‘oku angamaheni ko ha mahaki pipihi tō ma‘ama‘a pē ia ‘okú ne fakatupunga ha veveli lanu pulepule. Kae kehe, kapau te ke ma‘u ia lolotonga ho‘o feitamá, ‘e lava ke ne fakatupunga ha ngaahi palopalema fakatu‘utāmaki ki hono fā‘ele‘i ho‘o ki‘i pēpeé hangē ko e tulí, ngaahi palopalema ki he mafú, mo e maumau ‘a e ‘utó.
‘Ilo lahi ange fekau‘aki mo e ngaahi faka‘ilongá, mafolá mo e faito‘ó.
Ko e taimi ke ma‘u ai ‘a e huhu malu‘i MMR
Kapau ‘e tō ha to‘umahaki mīsele, pe kapau ‘okú ke folau ki ha fonua ‘oku lolotonga tō ai ha to‘u mahaki mīsele, ‘e ala fokotu‘u atu ke ma‘u tōmu‘a ‘e he fanga ki‘i pēpē māhina 6 ki he 11 ha tu‘oni huhu ta‘etotongi fakalahi ‘o e huhu malu‘i MMR. Talanoa ki ho‘o toketaá, neesí, pe kautaha tokoni ki he mo‘ui leleí fekau‘aki mo ‘eni.
‘Oku mātu‘aki mahu‘inga ke kei fakahoko pē ‘e ho‘o tamá ‘enau tu‘oni huhu malu‘i kuo fakataimi-tēpile‘í ‘i he māhina 12 mo e 15.
‘Oku ta‘etotongi ‘a e huhu malu‘i MMR pea ‘oku ‘oatu ia ki he fānau ‘i he‘enau māhina 12 mo e māhina 15.
Kapau na‘e ‘ikai ke ma‘u ‘e ho‘o tamá ‘enau huhu malu‘i MMR ‘oku ta‘etotongi pē kenau fakakakato ia.
Kapau ‘oku ‘ikai ke ke fakapapau‘i pe kuo nau ma‘u ha tu‘oni huhu ‘e 2, ‘oku totonu ke kei huhu malu‘i pē kinautolu. ‘Oku ‘ikai ke ala fakatu‘utāmaki hono ma‘u ha tu‘oni huhu lahi ange.
‘Oku tokolahi ‘a e kakai lalahi mo e fānau iiki (rangatahi) na‘e fā‘ele‘i ‘i he vaha‘a ‘o e ta‘u 1989 mo e 2004 ‘i Aotearoa Nu‘u Silá na‘e ‘ikai ke huhu malu‘i kinautolu ki he mīselé.
‘Oku fiema‘u ke fakakakato ‘e he kakai lalahí ‘enau huhu malu‘i MMR ke malu‘i kinautolu mo honau komiunitií. Ke ma‘u ‘a e malu‘i lelei tahá, ‘oku fiema‘u ha tu‘oni huhu ‘e 2, ‘o fakavaha uike ‘e 4 kae ‘ikai toe si‘isi‘i ange ai.
Ke vakai‘i pe kuo ‘osi huhu malu‘i koe, fetu‘utaki ki ho‘o toketaá, neesí, pe kautaha tokoni ki he mo‘ui leleí.
Kapau ‘oku ‘ikai ke ke lava ‘o fakapapau‘i pe kuo ‘osi huhu malu‘i koe, ‘oku fokotu‘u atu ke ke huhu malu‘i ‘i he vave tahá. ‘Oku ‘ikai ha maumau ‘i hono ma‘u ha tu‘oni huhu MMR lahi ange — ‘oku mahu‘inga ke ‘ilo‘i kuó ke ‘osi ma‘u ha tu‘oni huhu ‘e 2.
‘Oku ta‘etotongi ‘a e huhu malu‘i MMR ki he:
- tokotaha kotoa pē ‘oku ta‘u 18 pe si‘isi‘i hifo ai (tatau ai pē pe ko e hā ‘a e tu‘unga ‘enau visá pe tu‘unga nofo-fonuá) mo e
- fa‘ahinga ‘oku ‘atā kenau ma‘u ta‘etotongi ‘a e tokoni ki he mo‘ui leleí ‘i Nu‘u Sila.
Ko e tokolahi taha ‘o e kakai kuo nau nofo ‘i Nu‘u Sila ki mu‘a ‘i he 1969 ‘oku ‘ikai fiema‘u ia ke nau ma‘u ha huhu malu‘i ki he mīselé. Na‘e angamaheni ‘a e tō ‘a e mīselé ‘i he taimi ko iá ‘a ia kuó ke ma‘u nai mei ai ha ivi malu‘i fakanatula meí he nofo ‘i he ‘ātakai ko iá. Kae kehe, kapau ‘okú ke folau ki tu‘apule‘anga ‘oku mau fokotu‘u atu ke ke talanoa ki ho‘o kautaha tokoni ki he mo‘ui leleí koe‘uhi tenau ala fokotu‘u atu ke fakahoko ha‘o huhu malu‘i ke fakapapau‘i ho‘o ma‘u ko ia ha ivi malu‘í.
Ko ha fa‘ahinga taha pē ‘oku vaivai ‘aupito hono sisitemi malu‘í ‘e ‘ikai ke lava ke ne ma‘u ha huhu malu‘i MMR — hangē ko e kakai ‘oku nau lolotonga ma‘u ha faito‘o ki he kanisaá.
Ke malu‘i kinautolú, ‘oku mātu‘aki mahu‘inga ke huhu malu‘i kakato ‘a e ngaahi mēmipa kotoa ‘o e fāmili ‘o e kakai ‘oku fu‘u vaivai ‘aupito honau sisitemi malu‘í ki he MMR.
Kapau ‘e ‘i ia ha fa‘ahinga ‘e ma‘u ‘e he mīselé ‘i Aotearoa Nu‘u Sila, ‘oku fokotu‘u atu ki he kakai ‘oku fu‘u vaivai ‘aupito honau sisitemi malu‘í kenau toe tokanga ange kenau malu — hangē ko e fakamama‘o meí he feitu‘u ‘oku tokolahi ai ‘a e kakaí.
Kapau ‘e ‘i ai ha fa‘ahinga ‘e ma‘u ‘e he mīselé ho‘o tamá ‘i he ‘apiakó, pe ako‘anga tokamu‘á, ‘e fale‘i atu ‘a e me‘a ke fai ke malu ai ho‘o tamá.
‘E ‘ikai lava ke ke ma‘u atu ‘a e huhu malu‘i MMR lolotonga ho‘o feitamá. Kapau ‘okú ke palani ke ma‘u ha pēpē, ‘oku ta‘etotongi pē ke ke vakai‘i pe ‘okú ke ma‘u ha ivi malu‘i ki he mīselé mo e rubella. Kapau ‘oku ‘ikai ke ‘i ai ha‘o ivi malu‘i ki he mīselé mo e rubella, ‘oku ta‘etotongi pē hono ma‘u ‘a e huhu malu‘í kapau ‘okú ke ta‘u 18 pe lahi hake ai pea ‘okú ke ma‘u ha visa nofo-fonua Nu‘u Sila.
Hili hono fā‘ele‘i ho‘o ki‘i pēpeé, ‘e ala fokotu‘u atu ke ke ma‘u ha huhu malu‘i ta‘etotongi ki he mīselé, moó mo e rubella (MMR). ‘Oku totonu ke ke fakahoko ‘eni ‘i he vave taha te ke ala lavá.
Feitamá mo e ngaahi huhu malu‘í
Kapau ‘okú ke folau ki ha ngaahi fonua ‘oku ‘i ai ha mīsele ‘i honau komiunitií, ‘oku mātu‘aki mahu‘inga ke ke fakakakato mo ho‘o fāmilí ‘a e ngaahi huhu malu‘i MMR.
Te ke lava ‘o vakai‘i ‘a e ngaahi mahaki ‘oku lolotonga tō ‘i ha feitu‘u ‘i he uepisaiti ko ‘ení.
Global Measles Outbreaks — Centers for Disease Control and Preventionexternal link
Puka ha huhu malu‘i MMR
‘Oku ta‘etotongi mo faingofua ke ma‘u ha huhu malu‘i ki he mīselé, moó, mo e rubella.
Ki he fa‘ahinga ‘oku ta‘u 13 pe lahi hake aí
‘E lava ke puka ‘i he ‘initanetí pe fakafou ‘i he telefoní ‘a e ngaahi huhu malu‘i ki he fa‘ahinga taautahá pe ngaahi kulupu ‘oku ta‘u 13 pe lahi hake aí.
- Puka ‘i he ‘initanetí: Book my vaccine
- Puka fakafou ‘i he telefoní: 0800 28 29 26 (8 pongipongi ki he 5 efiafi, Mōnite ki he Falaite).
Ki he fa‘ahinga si‘isi‘i hifo ‘i he ta‘u 13
Fetu‘utaki ki ho‘o toketā, neesi, pe kautaha tokoni ki he mo‘ui lelei angamahení ke puka ha ‘apoinimeni ki ha taha ‘oku si‘isi‘i hifo ‘i he ta‘u 13.
‘E lava ke ma‘u ‘e he kakai ‘oku lahi hake ‘i he ta‘u 3 ha huhu malu‘i MMR ‘i he ngaahi fale talavai lahi. Te ke lava ‘o kumi ki ha taha ‘o kinautolu ‘i he Healthpoint.
Ngaahi fale talavai ‘oku nau ‘oatu ‘a e ngaahi huhu malu‘i MMR — Healthpointexternal link
‘Oku fakahoko ‘e he ngaahi feitu‘u ‘e ni‘ihi ha ngaahi ‘apoinimeni huhu malu‘i fakakulupu. Fetu‘utaki ki ho‘o toketaá, neesí, kautaha tokoni ki he mo‘ui leleí, pe fale talavaí ke vakai pe ‘e lava ho fāmilí ‘o puka ha ‘apoinimeni fakakulupu koe‘uhi kemou lava kotoa ‘o ma‘u faka‘angataha ‘a e huhu malu‘í.
Fakamatala lahi ange ki he ngaahi puka ‘apoinimení mo e ngaahi ngāue tokoní
Ma‘u ha fakamatala lahi ange ki hono puka ha huhu malu‘i, pe ko e founga ke ma‘u ai ha tokoni fakataautaha ki ho‘o ngaahi fiema‘ú.
Ko e huhu malu‘i fē ‘oku ngāue‘akí
Ko e huhu malu‘i ‘oku mau ngāue‘aki ‘i Nu‘u Silá ko e Priorix. ‘Oku ‘omai ‘e he huhu malu‘i ko ‘ení ha malu‘i ki he mīselé, moó, mo e rubella. ‘Oku fiema‘u ha tu‘oni huhu ‘e 2, ‘o fakavaha māhina ‘e taha ‘a e si‘isi‘i tahá, ke ma‘u ‘a e malu‘i lelei tahá.
‘Oku ‘ikai ke malava ke fakamavahe‘i ‘a e ngaahi mahaki ko ‘ení. Hangē ko ‘ení, ‘oku ‘ikai ke ‘i ai ha huhu malu‘i ki he ‘mīsele pē‘ ‘e lava ke maʻu atu ‘i Nu‘u Sila.
Ko e Priorix ko ha huhu malu‘i ia ‘oku to‘o mai meí ha vailasi (live vaccine). Ko e huhu malu‘i ‘oku to‘o mai meí ha vailasí ‘oku ‘i loto ha pekitīlia pe ngaahi vailasi kuo fakavaivai‘i koe‘uhi ke ‘oua na‘a lava kenau fakatupunga ha mahaki. ‘Oku fakatupu ‘e he ki‘i me‘i vailasi pe pekitīlia ko ‘ení ha ngāue atu ki he ivi malu‘í.
‘Oku ‘ikai ke kau ha ngaahi koloa porcine (puaka) ‘i he huhu malu‘i Priorix.
Fakamatala fekau‘aki mo e Priorix – Medsafe (PDF 276KB)external linkPDF
Ngaahi uesia tamakí mo e ngaahi ongo‘í
Hangē ko e ngaahi faito‘o lahi, ‘e lava ke fakatupunga ‘e he huhu malu‘í ha ngaahi ongo‘i. ‘Oku angamaheni ke tō vaivai pē ia, pea ‘e ‘ikai ke ma‘u ia ‘e he tokotaha kotoa.
‘Oku angamaheni pē ‘a e ngaahi ongo‘i ‘oku tō ma‘ama‘á pea ‘oku fakahaa‘i mei ai ‘oku fakafeangai ho sisitemi malu‘í ki he huhu malu‘í.
Kapau te ke hokosia ha fa‘ahinga ongo‘i, ‘oku angamaheni ke hoko ia ‘i he ngaahi ‘aho si‘i hili hono ma‘u ‘a e huhu malu‘í. ‘Oku mavahe ‘a e faito‘o huhu malu‘í ia mei ho sinó ‘i loto ‘i ha ngaahi houa pe ‘aho.
‘Oku kau ki he ngaahi ongo‘i angamaheni ki ha huhu malu‘i ‘a e:
- mofi ma‘ama‘a
- mamahi pe pupula ‘a e feitu‘u na‘e hoka‘i ai ‘a e fo‘i huí.
Ngaahi ongo‘i angamaheni kehé
‘Oku kau ki he ngaahi ongo‘i angamaheni kehe ‘o e huhu malu‘i MMR ‘a e:
- veveli ma‘ama‘a — ‘i he vaha‘a ‘o e ‘aho ‘e 6 mo e 12 hili ‘a e huhu malu‘í
- mofi lahi — laka hake ‘i he 39°C ‘i he vaha‘a ‘o e ‘aho ‘e 6 mo e 12 hili ‘a e huhu malu‘í
- ngaahi fo‘i lama ‘oku pupula ‘i he kou‘ahé, kiá, pe ‘i lalo ‘i he ngutú
- mamahi fakataimi ‘a e hokotanga huí — uike ‘e 2 ki he 4 hili ‘a e huhu malu‘í.
Ko ha uesia tamaki hāhāmolofia ‘a e fanga ki‘i faka‘ilonga hangē ha mamulú ‘oku ‘asi ‘i he ‘aho ‘e 15 ki he uike ‘e 6 hili ‘a e huhu malu‘í. ‘Oku tō ma‘ama‘a pē ‘eni, pea ‘oku angamaheni ke pulia ‘i loto ‘i ha māhina ‘e 6.
Ngaahi uesia ki he sinó (allergic reactions)
‘Oku hāhāmolofia ke hoko ‘a e ngaahi uesia fakatu‘utāmaki ki he sinó. Ko e toko 1 nai pē ‘i he kakai ‘e toko 1 miliona tenau hokosia ‘eni.
Kuo ako‘i lelei ‘a e tokotaha ‘okú ne fakahoko ‘a e huhu malu‘í pea ‘okú ne ‘ilo ‘a e me‘a ke siofí pea lava ‘o faito‘o vave ha fa‘ahinga uesia ki he sinó kapau ‘e hoko.
‘Oku fa‘a hoko ‘a e ngaahi uesia ki he sinó ‘i loto ‘i he ngaahi lau miniti meí he huhu malu‘í, ko e ‘uhinga ia ‘oku fiema‘u ai ke ke tatali ‘o a‘u ki ha miniti ‘e 20 hili ‘a e huhu malu‘í.
Fakamatala lahi ange
Ma‘u ha fakamatala lahi ange fekau‘aki mo e ngaahi uesia angamahení, me‘a ke siofí mo e founga ke līpooti ai ‘a e ngaahi uesiá.